ចរិតមិត្តប្រុស ៦ យ៉ាង នារីគ្រប់រូបគួរតែបែកពីគេទៅ
អាកប្បកិរិយារបស់សង្សារខ្លះយើងអាចទទួលយកបាន ហើយខ្លះទៀតក៏មិនអាចទទួលយកបានដែរ។ ដូចនេះបើមិត្តប្រុសចូលចិត្តធ្វើចរិតទាំង ៦ បែបនេះ គួរតែបែកពីគេទៅ ព្រោះបើទ្រាំនៅ យើងរឹតតែពិបាកលើសដើម៖
១.មិនដែលចំណាយពេលជាមួយយើង
ពេលទំនេរគេតែងតែទៅកំដរមិត្តភ័ក្ដិ និងក្រុមគ្រួសារគេជានិច្ចដោយមិនខ្វល់ខ្វាយចង់ចំណាយពេលជាមួយយើងឡើយ ទោះនៅក្បែរគ្នាប៉ុណ្ណាក៏ដោយ។ បែបបនេះនៅស្រលាញ់គ្នាទៀតមានន័យអ្វី បើមិនដែលនៅជិតសួរនាំពីសុខទុក្ខយើងផងនោះ។ ម្យ៉ាងទៀតបើស្រលាញ់ពិត ទោះជានៅឆ្ងាយពីគ្នាប៉ុណ្ណាក៏គេស្វះស្វែងរកពេលមកនៅក្បែរយើងដែរ តែនេះនៅជិតគ្នាហើយមិនរវីរវល់នឹងយើងទៀត។
២.ចូលចិត្តខឹងដោយមិនដឹងរឿង
គ្រាន់តែកំដរយើងដើរផ្សារទិញឥវ៉ាន់យូរក៏ខឹង, យើងទៅធ្វើខ្លួនក៏ខឹង ឬសូម្បីតែរង់ចាំបន្តិចបន្តួចក៏ខឹង និយាយរួម គឺខឹងដោយមិនដឹងមូលហេតុបែបនេះ គួរឈប់ស្រលាញ់គេទៅ។ អ្វីដែលគួរឲ្យដាច់ចិត្តនោះ គឺពូកែរអ៊ូរទាំស្ដីឲ្យយើងមិនលោះពេល។
៣.ចូលចិត្តត្រួតត្រាយើង
បុរសដែលសូម្បីតែខោអាវស្លៀកពាក់ផ្ទាល់ខ្លួនយើង ក៏គេជាអ្នកសម្រេចចិត្តឲ្យទិញបែបនេះបែបនោះ ឬសក់ក៏គេអ្នកសម្រេចឲ្យធ្វើម៉ូដនេះម៉ូដនោះដែរ មិនគួរទាក់ទងគ្នាទៀតទេ។ ព្រោះប្រុសចរិតបែបនេះ គឺហៅថា "មនុស្សប្រុសចរិតស្រី” ដែលចូលចិត្តត្រួតត្រាជីវិតយើងគ្រប់រឿង។
៤.ជាមនុស្សញៀននឹងអ្វីមួយ
បើសង្សារជាមនុស្សញៀននឹងការផឹកស៊ី ឬក៏ល្បែងស៊ីសងអ្វីមួយនោះ យើងគួរតែបញ្ចប់ក្តីស្រលាញ់ត្រឹមនេះទៅ ព្រោះតទៅមុខទៀតក៏គាត់មិនអាចកែទម្លាប់នេះបានដែរ។
៥.តែងតែខ្ចីលុយយើង
មិនថាប្រាក់ខែគាត់ច្រើនលើសយើងប៉ុណ្ណា, មិនថាជាដើម,កណ្ដាល ឬចុងខែ គាត់តែងតែខ្ចីលុយយើងចាយបន្តមិនលោះ។ មិនគួរនៅបន្តទំនាក់ទំនងជាមួយបុរសមានចរិតអ៊ីចឹងឡើយ ព្រោះពេលទៅមុខយើងនឹងអស់ពីខ្លួនដោយសារគាត់។
៦.ជាមនុស្សមានសតិមិនប្រក្រតី
បើដឹងថាមិត្តប្រុសយើងមានបញ្ហាផ្នែកស្មារតី រហូតមានពេលខ្លះបញ្ចេញចរិតម្ដងឆ្កួត, ម្ដងជា, ម្ដងល្អ,ម្ដងអាក្រក់នោះ ក៏មិនគួរទាក់ទងគ្នាទៀតដែរ។ ព្រោះថាថ្ងៃណាមួយ គេអាចធ្វើអ្វីមិនគប្បីមកលើយើងក៏ថាបាន៕
Subscribe to:
Post Comments
(
Atom
)
ចុះអ្នកពូកែរអួត គួរចាត់ទុកថាយ៉ាប់អត់?
ReplyDelete